SAN MIGUEL ARKANGHEL PISTA MAY 7-8, 2010 (ISAGAP)

*****
ISAGAP – Hermano sa Pista
San Miguel Arkanghel
Ika-7-8 ng Mayo, 2010

Nuong unang panahong walang nais mag-hermano
Kinukuha ang Apo Igue ng Lolo naming si Isidoro
Inilalagak sa bahay nila hanggang sa kapistahan nito
Sabi pa’y kapatid daw ni San Miguel ang aming Lolo.

Maraming tao sa baryo ang nakatatalos pa nuon
Pinapalisan ni Fely ang alikabok sa damit ng poon
Kung minsan daw ay iniilawan pagsapit ng hapon
Inalagaan si San Miguel sa loob ng buong taon.

Pistang maliit lamang ang idinaraos kung Mayo
Walang naligtaang kapistahan itong aming baryo
May nobena, may misa, at masaya ang awit ng tao
Dahil naipagbunyi ang kaarawan ng poong Santo.

Ang kaugaliang ito’y binuhay ng pamilya ISAGAP
Ipinakitang ang mahalaga’y kaarawan ay maganap
Kahit maliit lamang basta’t taun-taon ay natutupad
At hindi na kailangan ang magarang paghahangad.

Marami ang nakahandang ipamimigay nuong pista
At may mga kinalaman sa taong pananampalataya
Mga laruan, damit, rosaryo, gamit sa bahay at iba pa
Bawat taong sumali sa laro’y may nakamit na ala-ala.

Tuwing matatapos ang misa ay nagsisipalakpak
Ang lahat ng mga tao at tunay na nagagalak
Labis-labis ang kasiyahan sa nakitang mga gayak
Mainit man ang araw at pawis ay tumatagaktak.

Kaarawan ng pista, nagmisa si Padre Diune Pobre
Maraming nagsimba’t nagpasalamat si Isto’t ka Fely
Ipinaliwanag nila ang pagpapapista lang nang simple
Kaarawan ng Apo Igue ay ipagbunyi, ito’y importante.

Maliwanag ang langit at tahimik naman ang panahon
Matanda, bata’t may panata ay sumunod sa prusisyon
Mahal na Birhen at Santo Niño ay kasama rin duon
Kalsada’y puno ng tao, kasama rin ang may debosyon.

Ang mga tugtog ng musiko ay masayang masaya
Umiindak at sumasayaw ang maraming nagsisama
Patuloy pa rin ang paputok at ika-sampung araw na
Pagdiriwang kay San Miguel ito’y kapistahan niya.

Ang mga sugo ng ISAGAP ay ang magpipinsan
Sina Fely, Eddie, Calixto, at Laura ay naghalinhinan
At gayon din si Ricarte, siya ay bayaw rin naman
“Barialta” ni San Miguel sa prusisyon ang tangan.

Itong nakaraang pista’y tunay na masaya kahit payak
Simbahan natin at puon ay kaakit-akit ang mga gayak
Alay sa Mahal na Birhen ay napakaraming bulaklak
Maganda, makulay at ang bango’y humahalimuyak.

May kaunting pagkaing inihanda ang pamilya
Para sa musiko, kaibigan, at ilang panauhin pa
Tanghalian at hapunan ang pinagsaluhan nila
Maraming inumin, pamatid-uhaw ng nakipamista.

Ang samahang bumubuo ng pamilya ISAGAP
Ay nagtulung-tulong upang pista ay maisaganap
Ang tagumpay ng pagdiriwang ay nasa taong palad
Ang kailanga’y taguyod at ang pagyayakap-yakap.

Taos-pusong pasasalamat ang pinararating sa inyo
Gayon din sa mga nagsikilos sa simbahan at sa baryo
Hindi namin makakayang isagawa ang papistang ito
Kung hindi sa kagandahang-loob ng lahat ng tao.

Maraming Salamat Po!
ISAGAP(Isidoro Arcega Garcia Property)
Laura B. Corpuz * jollybc2@gmail.com

Hermana sa Pista ni San Miguel Arkanghel

Ika 7-8 ng Mayo, 2009
Ricarte S. at Laura (Balatbat) Corpuz
*
Mahigit na isang taong pinaghandaan ang pista
Nagtayo ng munting bahay sa lupang pamana
At maraming buto ng katikbe ay ipinatanim pa
Gagawing rosaryo pamigay sa araw ng pista.
*
Sinimulan ang bahay ay buwan ng Marso
Hinulugan ng mga barya ang lahat ng kanto
Umuwi naman ako ay buwan na ng Mayo
Bahay nina ka Fely sa Tabang ang tuluyan ko.
*
May ulan, may baha, may hangin pa at bagyo
Ang hiling ko’y patigilin, mahal na Poon ko
Sa anumang sakuna iligtas mo ang mga tao
At mga naghatid sa akin patungo sa kapatid ko.
*
Limang linggo akong balik-balik sa San Miguel
Ang lakad namin ni Jandra'y talagang walang tigil
Sa pinsan kong si Eddie ako rin ay humimpil
At naghihintay sa oras ng kapatid kong darating.
*
Bumalik ako sa Amerika ay buwan na ng Hulyo
Hindi ako nakadalo sa piknik ng mga Pilipino
Matagumpay naman daw at nagsaya ang mga tao
Kalayaan ng bayan ipinagdiwang nila nang husto.
*
Tanim naming katikbe sa Amerika ay malago
Mahahaba ang uhay at malalaki pa ang tubo
Pinitas na lahat ang hinog at saka pinatuyo
Tinuhog na isa-isa, maraming Rosaryo ang nabuo.
*
Pagkatapos ng Pasko kami ni Ric ay umuwi
Apo naming si Emily ang sadya naming napili
Tuwang tuwa sa Pilipinas karanasa’y natatangi
Kahit daw taun-taon ay babalik siyang muli.
*
Mga angkan ng Corpuz at Santos sa Isabela
At kamag-anakan ay muling nagkita-kita
Lahat ng dumalo ay maligayang maligaya
Lalung lalo na si Carmen, mahal nilang ina.
*
Sa awa ng Diyos ang bahay namin ay natapos
At ang pagbendisyon ay amin na ring nairaos
Mga panalangin ng nagsidalo ay taos na taos
Maging masagana sana at biyaya ay mabuhos.
*
Huling linggo ng Abril ay simula ng nobenaryo
May misa araw-araw na dinaluhan ng mga tao
Ang dasal kay San Miguel ipinamigay sa dumalo
May mga palaro pa at may premyo ang nanalo.
*
Bisperas ng pista ay sinundo kami ng musiko
Sa simbahan tumuloy nagsimba ang mga tao
Sa aming tahanan ay mayruon nang salu-salo
Dala ni Padre Tomas ang Banal na Sakramento.
*
Tuwang tuwa ang kalooban ni Padre Lamberto
Nang malaman niyang ginawa nami’y rosaryo
Upang ipamahagi sa aming abay at ibang tao
Paala-ala kay Sofia, Ina kong maagang nabalo.
*
Malakas ang hangin dahil sa dumating na bagyo
Wala namang pangamba ang mga tao sa baryo
Taimtim sa puso ang panalangin sa Diyos na totoo
At itong si San Miguel para bagang nagmilagro!
*
Sumikat ang araw at nagliwanag ang kalangitan
Ang mataas na alapaap ay kay gandang pagmasdan
Maligaya ang lahat, maganda ang awit sa simbahan
Ika-40 taon ng kasal muli kaming nagsumpaan.
*
Ang kapitana at kapitan ay sumunod na sa prusisyon
Sto. Niño, Sta. Cruz, Nanalangin, at ibang mga Poon
Ang hermana sa Mahal na Birhen ay kasama rin duon
Kay saya-saya sa San Miguel, pista ng aming patron.
*
Simula pa lamang ng bisperas ay maruon nang kainan
At mga tugtog ng musiko ay kay inam pakinggan
Mahaba ang prusisyon may luses, kwitis, at putukan
Nang matapos na ang prusisyon bigla uling umulan.
*
Ang handog ng mga abay at abuloy na natipon
Ibinigay namin sa simbahan pampaayos ng ating Poon
Ang ginawa kay San Miguel ay pang habang panahon
Tanda ng pagmamahal sa kanya ng mga tao sa nayon.
*
Malaking pasasalamat ang aming pahatid sa lahat
Ang mga nagtaguyod, guro, abay, at alagad ng batas
Sa mga pinsan ko sa San Isidro, may larawan pa at sulat
Ka Fely, Len, Carding, Jandra't Isto dapat ay palakpak.
*
Maraming salamat sa mga kamag-anak at kaibigan
sa pagtangkilik ninyo sa amin!!!

'Twas a "Full"Day and Then...

*

The day was bright, oh how wonderful!

Couldn't have hoped for weather that peaceful

The phone calls received were really thoughtful

A few who had something "unexpected" were wishful.

*

The children are so cute and beautiful

Several of them are pretty active and playful

The foods were delicious and plentiful

Our roast pig seemed small but was bountiful.

*

The younger ones had their plates full

Some dieters were calorie-watchful

Others didn't care if they got too full

And lots of doggie bags, sent home full.

*

All our guests were really cheerful

Our very good cooks had their hands full

Everybody was extremely helpful

Indeed, our newly "blessed hut" was full.

*

We counted our guests and totaled 103

Those were only the ones who came especially

Friends from the Philippines, Chicago, and Hawaii

Ottawa, Peoria, and acquaintances in the "country."

*

Faces of enthroned statues were carved artfully

Sacred Heart of Jesus and Immaculate Heart of Mary

Some friends and nuns joined us wholeheartedly

Just to make this day truly extraordinary.

*

Then on September 18 we vowed once more to marry

At St. Vincent DePaul, with Father Gregory

We had a solemn Silver Wedding ceremony

In the presence only, of our dear children, three.

*

The Lord, to us is great and wonderful

Permitted this occasion to be successful

For all His blessings we are truly grateful

To HIM and to all of YOU we are very, very THANKFUL.

*

The Corpuz Family

Ric, Laura

Alona, Allan, and Alyse

(A Memorable Day 9-18-94)

Words of Wisdom Golden Rules for Living

*****
Source: Unknown

If you open it, close it.
If you turn it on, turn it off.
If you unlock it, lock it up.
If you said it, admit it.
If you can't fix it, call someone who can.
If you borrow it, return it.
If you value it, take care of it.
If you make a mess, clean it up.
If you move it, put it back.
If it belongs to someone else and you want to use it, get permission.
If you don't know how to operate it, leave it alone.
If it's none of your business, don't ask questions.
If ain't broke, don't fix it.
If it will brighten someone's day, say it.
If it will tarnish someone's reputation, keep it to yourself.